Laguntza - Harremanetarako

Ibilbideak egiteko zenbait gomendio:

  1. Hautatu ibilbidea: Nabigatu orrian barrena, ibilbideak konparatuz, eta aukeratu gure ezaugarri eta nahietara ondoen egokitzen den ibilbidea.
  2. Jaitsi artxiboak, egin nahi den ibilbide mota kontuan izanik: Horietan, komeni da inprimatzea ibilbidea pausuz pausu esplikatzen duen PDFa. Inportantea da jakitea ibilbideak ez daudela seinaleztatuta, baina gehienak bat datoz lehendik Ataunen dauden GR, PR eta seinaleekin. Nolanahi ere, PDF-n izango ditugu ibilbidearen inguruko argibide guztiak; non aparkatu, atseden hartu edo ura edan ere adieraziko zaigu.
    • Ibilbide mitologikoak (4): PDA edo MP3 + PDF
      • Ibilbide arinak dira, kondaira mitologikoei buruzko bideoak entzuteko eta ikusteko geldiuneekin. Oso inportantea da PDFa eramatea, non geratu behar dugun zehatz-mehatz jakiteko, kondaira bakoitza entzuteko. Dena den, PDF-aren edukia PDA-n ere badago.
      • Ikus-entzunezkoa PDA eta MP3 aparatuentzat prestatuta badago ere, litekeena daaudioa edo audioa/bideoa erabil dezaketen beste aparatu batzuetan ere funtzionatzea.
    • Oinezko ibilbideak (12): GPS + PDF
    • BTT ibilbideak(3): GPS bakarrik (komeni da, baita ere, PDF-a)
  3. Nola iritsi: Kontsultatu ibilbidearen fitxan nola iritsi hasierara. Horretarako, GoogleMaps estekan sakatu eta gure herria sartu baino ez dugu egin behar.
  4. Non jan eta/edo lo egin: Joan zerbitzuak orrira, mahaia eta/edo ostatua erreserbatzeko.

Deskargak:

  1. PDF: Inprimatu bi alderdietatik eta tolestu 3 zatitan.
  2. PDA: Jaitsi ordenagailura eta pasatu artxiboak gure aparatura, ActiveSync bidez. Ez aldatu lekuz artxiboak. Artxiboek 5-12 Mb bitartean okupatzen dute eta, espazio arazorik ez izateko, komeni da memoriaren txartelean gordetzea.
  3. MP3: Jaitsi zuzenean audioa MP3-ra. Ezinbestekoa da PDF-a eramatea, jakiteko noiz eta non entzun behar dugun audioa.
  4. GPS: Jaitsi track artxiboak (.plt) eta waypoint artxiboak (.wpt) ordenagailura (.gpx formatuan ere badaude) eta ireki OziExplorer edo CompeGPS erabiliz, eta, GPS-a ordenagiluari konektatu ostean, jaitsi aparatura.

Harremanetarako
Dudak argitzeko edo kontsultak egiteko, ipini harremanetan San Gregorio auzoko informazio gunearekin (San Gregorio auzoa, Elkargunea 12, 20211 Ataun): 943180285.

Emailez jarri harremanetan